18-10-2009 開始運動 　

剛看了一篇文章 - 輯自 游泳論壇 

"http://swimst.freebbs.hk/redirect.php?tid=976&goto=lastpost#lastpost" by sorman

　

開始做運動 - 首篇

香港人個個都鍾意做運動, 知道做運動既好處, 同埋必要性.

但係點解真正做運動既人又得咁少呢?
我識有幾個朋友, 3張喇, 個肚腩都大左, 佢地個個都話要收, 要開始做多d運動減左個肚. 但係半年前後都講左不下5,6次.
又有個朋友, 佢唔做開運動, join左長約做gym, 一星期內好有恆心做左5次, 但係都無效果, 做gym唔適合佢. 減唔到.
我之前都有用幾百蚊join gym做6個月, 開頭個一個月真係好多好多人, 2個月過左, 而家只係得返3成人. 點解?

香港人真係唔適合做運動? 做運動真係無效果?
其實香港人係無"習慣"做運動.

一個返工放工累到傻左既人返到屋企仲點會有心做運動? 連續做左5日gym, 肌肉都未適應就唔做, 又點會減到肥? 平價join gym, 做左2個月就嫌多人無去做, 又點會有肌肉啊?

不如, reset... 唔好想之前自己曾經用咩方法去學習做運動. 跟我去試試以下..!!

首先你係咪真係想開始做運動先? 你對自己所許既承諾可否做到?
如果兩個問題都答"係", 那你可以輕鬆開始喇.

你從今日開始做20下push up或者sit up, 無論一日內任何時間, 任何地方. 做左就得喇.
係咪好容易呢? 不過, 要日日做, 聽日無做既話後日要做返40下..如此類推. 要每日都做20下.
綀胸就一日做20下push up
減腰同界腹肌就一日做20下sit up

咁就可以減肥? 咁就叫做做左運動? 唔係! 不過呢個係一個習慣既好開始. 好似好易咁呢? 不過keep左2個月你再上黎睇落去喇.

無錯, 做運動要有習慣. 你要有習慣先再來喇!!
　 　 　 　
15-06-2009 游泳論壇 - 討論區, 開左一個游泳論壇, 希望大家可以有一個更有系統既平台去增加游泳既知識. 快d去喇!!
　 　 　 　
08-02-2006 新網址 -

呢一年終於下了決定,就係正式為這個網站登記一個屬於自己的網址,就係

記得2002年初建立呢個網都係抱有玩樂心態,而家已經建立一顆責任心,希望可以將網上學游泳的方式向全世界的中國人發佈。係今年,我會注重網頁的可觀性,如果你對呢個網頁有任何意見,唔好遲,而家就將意見e-mail俾我
　 　 　

　
20-10-2004 內容多元化 -

不經不覺又一年,係呢年裡面我得到唔少教游泳的材料,可以同大家係呢個網頁度分享。問題係我需要多些時間去將資料整理同放上網。我希望可以接續我成立呢個網頁的宗旨:一個屬於教學用的網頁,並且對未懂游泳的你有所幫助。
　 　 　

　
10-10-2003 e-mail -

由於 hongkong.com 未能正常收到e-mail，請各位送去新既e-mail地址

　 　 　

　
18-09-2003 游泳規則 -

今日面世的游泳規則係我好辛苦地搜集來,亦係我一直好想係游泳街刊登的內容.因為作為一個泳者好多時都唔清楚個例係咩.分分鐘俾人foul左都唔知點解.希望呢一樣野對你一樣咁有用.
　 　 　

　
10-08-2003 救生員制度 -

睇到拯溺總會既聲明,我覺得有需要係度向所有游泳朋友廣播呢件事:

救生員資格由2003年1月1日起所有持有銅章證書之救生員只界定為施救員，而擔當「救生員」工作之人士必須持有以下其中一項資格：

泳池: 泳池救生章,或泳池救生管理章,或優異章

沙灘: 沙灘救生章,或沙灘救生管理章,或海洋救生章,或沙灘優異章

另外,私家池既負責人要注意: 一旦在私家泳池發生遇溺意外而引致法律訴訟，拯溺總會在作出專業意見的同時，只會承認持有「泳池救生章」、「泳池救生管理章」或「優異章」為合資格的泳池救生員，如當值救生員只持有「銅章」或「磁章」等「施救員」資格，拯溺總會將會指出該救生員並不符合救生員的基本要求，私家泳池的持牌人有可能會承擔有關的責任。
　 　 　 　
04-08-2003 聚會-成功 -

好開心,好成功.係尋日有10個游泳同志,當中有男有女,一齊係九龍公園泳池討論同埋示範自由泳及蛙泳兩種泳式. 雖然,得兩個小時確實係唔夠,所以我希望下一次能夠有方法可以控制人數大約係5個左右,相信每個出席朋友既得益一定會仲大.唔知你地又有咩睇法呢?
　 　 　

　
23-07-2003 游泳聚會 -

開心,期待.我希望攬呢個聚會已經有一年啦,仲於攬得成. 而且反應比想像好啊. 希望到8月3日真係有好多人出席啦!
　 　 　

　
04-05-2003 提升泳術 -

每次行書局都會特別留意教游泳既書,每次都會有新教法可以update下自己.黎緊除左會繼續制作嬰兒游泳街外,仲會開一個全新版面,介紹泳術既提升技巧.內容有別於教學街,大部份會用圖解釋,同埋只係講重點. 注重游泳比賽,包括四式起跳,提升泳術,轉身及結束. 目標對象係游到最少50米直池既泳者. 應該對已掌握游泳既學生有莫大幫助. 但係由於首頁左邊菜單太長,所以可能會有些改變,有咩意見,一定要同我講!
　 　 　

　
30-04-2003 一歲生日 -

不知不覺呢個網頁已經一歲大啦.好開心到而家每日都有好多唔同既人黎瀏覽同埋留言 討論. 過去呢年,呢個網頁有唔少既改進同埋增添左唔同既內容,包括嬰兒游泳街.都係希望喚起多D人對游泳既興趣. 新既一年呢樣野會繼續係我既目標,搵多D唔同既題材俾大家一齊分享.吸引多D唔同層面既人逗留係呢個網頁.當然,你地每一分既意見我都會研究架! 真係萬二分既感激.
　 　 　

　
19-02-2003 BB學游泳 -

我準備緊一個BB學游泳既網頁,係香港或者臺灣都係一個俾人忽略既話題,希望從中可以引起多D人認識呢樣東西既重要性啦!
　 　 　

　
02-11-2002 網頁翻新 -

回想起這個網頁初時成立,目的希望屬於教學用途.現在網頁成立已經半年,一萬五千多人瀏覽實在令我始料不及.冬天開始啦,游泳對於大家既吸引力一定減低,我好希望大家能夠利用這個冬天去改善或者會對游泳有更深興趣. 因此我希望改善呢個網頁吸引更多人瀏覽,而將會從內容(包括大家關心既來年拯溺改革)及版面革新埋手.而我最須要既幫助,就係你地idea,包括logo設計,版面布置,或者整個版面outline. 你地既幫忙,我會將你名字放去一個新連結,讓大家知道這個網頁,你都有份制造! 請將你地既作品或者idea電郵無論意見多少我都一定詳細研究!

25-08-2002 暑假完了 -

辛苦的暑假終於完結了. 我又可以做這個版面跟大家交談, 今年我教游水的成績不錯, 希望來年可以繼續. 還有, 很多謝我的女朋友, 因為她幫我將堆積如山的問題一次過用中文打下來, 希望她會繼續這樣做吧!哈.

07-07-2002 新討論區 -  

今日終於將全新討論區做好,希望可以將問題與答案盡快Post上網. 之前俾Email我既朋友已經Upload係討論區.最後都係一句,有意見,話我知!

17-06-2002 手力急救 -  

拯溺與游泳係唔可以分開的運動, 今日加入概念較新的技術-手力急救,亦係我國中醫學發明, 瀏覽完後給我一點意見吧.

15-06-2002

徵求意見

-

希望所有人能夠給我一點意見,你想係’游泳街’學咩呢? 已家網頁資料夠唔夠? 好定唔好? 話我知,我一定會改善.

　

 

 

 

 

14-06-2002

成績

-

Counter 於2/6成立, 至今已經有2000多人瀏覽, 多謝幫我的人同埋女朋友.

 

 

 

 

30-04-2002

成立

-

我, 作為游泳教練, 建立一個屬於教學用的網頁係我希望. 30/04/2002, 終於將’游泳街’網頁成立.